प्रचण्ड र गान्धी समाधिस्थल : एकालाप

"प्रचण्डले आज  शुक्रबार  राजघाट स्थित महात्मा गान्धी को समाधि स्थल पुगी श्रद्धान्जली अर्पण गर्ने" भन्ने समाचार ले मेरो मन र मस्तिस्कमा तरंग ल्याएको छ ! अंग्रेजीमा सायद यस्तै परिस्थितिलाई प्याराडक्स भनिन्छ  क्यारे!   एक जना मान्छे जो दश -दश बर्ष सम्म सशश्त्र जनयुद्ध को नेतृत्व गर्यो वा भनौ सम्पुर्ण राज्य सत्ता बन्दुकबाट प्राप्त हुन्छ भन्दै हत्या र हिंशा को सहारा लियो , आज  त्यो  मान्छे , अहिशाका पूजारी महात्मा गान्धीको समाधिस्थलमा श्रद्धान्जली गर्न पुगेको छ, अनि  त्यो पुष्प गुच्छा चढाउदै गर्दा पुष्प कमलको मनमा के विचार आउला?  उनले मनमनै के सोच्लान ? गान्धीको समाधिमा पुग्दा के प्रचण्डले आफुले लिएको हिंशाको बाटो र गान्धीको अहिशाको बाटो को कहिँ मिलन बिन्दु भेटलान ?  कहाँ गान्धी, जो भन्थे तिमीलाई कसैले एउटा गालामा चड्कन दिन्छ भने अर्को गाला थापिदेउ , कहाँ प्रचण्ड शक्ति बन्दुकको नालबाट निस्किन्छ भन्दै जन युद्धमा आतंकारीको भूमिकामा खटिएका थिए, तर  आज  प्रचण्ड र गान्धी  दुइजनाको  भेट एक जनाको चिहानमा हुदै छ , के यो एतिहाशिक क्षण होइन र ?


प्रचण्डको श्रद्धाको अन्जली आफ्नो समाधिमा पर्दा , गान्धीको आत्मा खुसीले उद्धेलित होला  कि ग्लानिले ? के पुष्प कमल दाहाल अब साचिकै गान्धीका पथमा हिड्न खोजेका हुन् त? बर्षौ सम्म आतंक बादीको बिल्ला भिरेर हिडेका प्रचण्डलाई गान्धीको आत्माले माफ दिन सक्ला कि नसक्ला ? बेला बेलामा 'अहिलेको समयमा बुद्ध भएको भए पनि हिंशालाई सहि ठान्थे' भन्ने प्रचण्ड लाई गान्धीको आत्मा ले स्वीकार्ला कि नस्विकर्ला ?

के प्रचण्डको गान्धी प्रतिको  यो श्रद्धा, लक्ष्मी प्रसाद देवकोटाको जस्तो " आखिर  श्री कृष्ण रहिछ एक "  भने जस्तो बिगतको पश्चाताप त होइन ?  यदि प्रचण्डले अहिशाका पूजारी गान्धीको समाधि अन्तरात्मा देखि नै भेटेका हुन् भने यो नेपाली राजनीतिका लागि ठुलो फड्को हुने छ किन कि अबका दिन हरुमा हिंशाका बाटो तय गर्न खोज्ने बिप्लव लगायतका पार्टीहरुको गन्तब्य पनि प्रचण्डको जस्तै राजघाटमा गएर टुंगिने निश्चित छ , अब सबै पार्टीहरुले हिशाबाट प्राप्त शक्ति  र सत्ताले शान्ति दिदैंन भन्ने बुझ्ने छन्  ! नेपाली जनताहरुलाई जनयुद्धका नाममा एक पटक मुर्ख बनाइयो, अबका दिनमा प्रचण्डको इतिहास पढ्ने जो कोहिले बुझ्ने छन् युद्धका डोबहरु मेटाउन कठिन छ यद्दपि रत्नकरहरु बल्मिकिको भूमिकामा बदलिने छन् ! यदि यो भेट राजनीतिक नाटक होइन भने , कुटनीतिक मन्चन होइन भने ,धेरैले प्रचण्ड बाट धेरै कुरा सिक्नु जरुरि पनि छ, आउदा दिनका लागि !                                                            
                                                              

राजतन्त्रको जग हल्लाउने प्रचण्डको  हिंशात्मक नेतृत्व र ब्रिटिश सम्राज्यबादको अन्त्य गर्ने गान्धीको अहिंशात्मक नेतृत्व, आन्दोलन पुरा भएपछी काठमाडौँ पुगेर गान्धी बन्ने सपना बाडेका प्रचण्ड,  आन्दोलनको सफलता पछि विभिन्न कुटिल खेल खेल्दै दोश्रो पटक प्रधान मन्त्रि भएका छन् भने आन्दोलन को सफलता पछि  प्रधानमन्त्रिको पदलाई अस्विकार गरेका गान्धीको बिचारले प्रचण्डलाई कसरि प्रभाब पार्छ त्यो  भविष्यमा देख्न पाईएला नै / मेरो उत्सुकता  के प्रचण्ड मार्ग  र गान्धी मार्गको फ्युजन बाट निस्केको सुमार्गी मार्गले अबको हाम्रो मार्ग तय हुने हो ?