उन्मुक्ति

उहिले मुसाहरु माथि सिंह राज चलेकोबेला ,

खान नपाएका  एक हुल बिरालाहरु

एक साथ बाहिर निस्केका थिए, 

बिरालाहरुले मुसाहरूको अधिकार हनन भो भन्दा,

धेरै मुसाहरु चकित भएका थिए ,

आफुले आफैलाई धिक्कारेका थिए ,

आफ्नो अधिकार खोज्न पनि ,

हामीलाई अरुले भन्नु पर्ने ,

अरुले नै सिकाउनु पर्ने ,

कस्तो बिडम्बना भन्दै

धेरै मुसाहरु बिरालाकै पछि लागे,

आफ्नै उन्मुक्तीक लागि /

 

मुक्तिको आन्दोलनमा धेरै मुसाहरु शहीद भए ,

कुनै बिरालो मरेको सुनिएन,

लामो संघर्ष पछि,

बिरालोले मुसाका नाममा शाशन गर्ने भएछ/

 

खोई के भएको हो?

आजकल लुरे बिरालाहरु  ढाडे भएका छन,

ढाडे बिरालोले मुसाहरूको फार्म खोलेको छ ,

उ मुसाहरुकै लागि लड्दै छ रे ,

मुसाहरु लाई स्वतंत्र बनाउने रे ,

उनीहरुकै राज्य बनाउने रे,

 

बिचरा मुसाहरु !

उन्मुक्ति कै सपनामा ,

एक एक गरेर सकिने भए !