म सपनाहरुको भारी बोक्ने एक मजदूर !

ठूलो सपना देख्नु पर्छ भनेर,

सानै देखि सिकाइएको म,

हरदम , हरपल सपना बोकेर हिंडेको छु,

सपनाको भरीया बनेर,

जिन्दगीका अनन्त उकाली-ओरालीमा,

कहिल्यै कहीं पुग्न नसक्ने गरी।

म सपनाहरुको भारी बोक्ने एक मजदूर !

 

मुलतबीमा पारिएका मेरा सपनाहरुलाई,

निरन्तर बोकेर घुमिरहेको छु,

अविचलित भएर अनन्त यात्रामा,

कतै चोइटिएर नचूढियून,

 मेरा अग्ला र सग्ला सपना, 

सतीदेवीको पार्थिभ  शरीर जस्तै,

अङ्गभङ्गभएर ठाउँ ठाउँमा ।